鬆一鬆

好耐無放過假la,

每日馬不停蹄,

真係好累.....

身邊不少家人、朋友,

都叫我唔好咁辛苦,

近期發現我一出世開始就要做牛做馬,

點解?

馬年出世仲要係金牛座,

仲唔係??

haha.....

其實我都唔想呀!!

我覺得可以做到自己喜歡做嘅工作以經係好幸福,

開始學化妝時都無諗過有今日嘅成果,

雖然到目標仍有一段距離....

要繼續努力.

身邊唔少朋友都要為2餐而做一些自己不喜歡嘅工作....

開工望收工.....

又唔敢唔做or轉行,

唯有死頂.

都係嗰句la....

想成功要多加努力,

唔好淨係得個諗字,

我都想好似李嘉誠咁有$$$

(其實都唔係太想....只不過係比喻.)

人哋都要好努力先有機會成功.

除咗努力外,

唔好害人,做人要誠實,做好自己本份.

自己常常銘記於心,

雖然你對人好,人哋未必對番你好,

不過我相信因果循環,

亦可令自己安心.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~

全日都喺屋企,

做我最愛嘅嗜好,

就係.....

瞓覺.

覺得瞓得一覺好ge其實都好幸福呀!!

做嘢成日做到頸緊膊痛,

又無咩時間去做按摩,

想推介樣嘢比大家.

一個好簡單嘅按摩器叫少林十三灸,會震吓震吓.

仲有藥膏貼可用大約30次,可以更換.

佢好方便,貼咗上咗就ok,

我用咗4、5個月,

好好,

膊頭、頸位鬆d.

有覺好瞓, haha!!

有不同力度,初用唔好太大力度.

如果唔係會震到你跳起呀!!

幾多$$?

我唔記得la,好似$2百幾,

有興趣就打去問吓la,

萬全堂: 25259288.

除咗瞓覺外,

仲做咩呢??

就係幫o靚模影寫真喇!!

呢位o靚模好勁,

有好多pose.....

一字馬、腳放喺頭、sexy嘴....

都難唔到佢呀!!

佢就係我外甥女喇.....

頭飾&裙仔係喺韓國買ga.

影呀影、影呀影....

由於太過落力嘅關係,

大家身心彼累....

之後.......

大家又瞓過覺.

Zzzzzzzzzzzzzzzzzz.........