Merry X'mas!! 今日諗好化咩妝未? 2009-12-24

~~~Merry X'mas~~~

今日係平安夜,唔知道大家點樣渡過呢??

點渡過都好,總之要開心.

將d唔開心,麻煩,唔想諗嘅嘢,

暫時全部忘記晒佢先,

開開心心過一晚.

而我選擇了一如既往嘅方式渡過,

就係......

靜靜地安在家中.

如果你揀今晚出去癲返晚嘅話,

大家諗好着咩衫,化咩妝未呢??

而家仲未知着咩衫??

太遲lo wor...

就等教大家化個着咩色衫都可以襯到嘅X'mas look,

咁樣你哋未可以一路化住妝,一路諗吓着咩衫啦!!

1st Part

2nd Part

都不算太難呀呵?

希望幫到大家啦!!

祝大家越化越索,越睇越靚!!

久遺了的Chic Choc 2009-10-25

Chic Choc呢個化妝品牌相信大家都有d陌生,其實曾幾何時它曾登陸過香港,但已是很久很久以前嘅事,自己還未當化妝師啊!  記得當年它來香港時,以被它的七彩顏色深深吸引着,在Pacific Place西武內嘅Chic Choc counter玩咗一個小時多仍然不肯走(相信當時嘅sales姐姐都怕咗我呀,hehe).  但係它登陸了大約兩年後就悄悄地走了.....

之後比我係台北再次發現它....當然....又再一次發揮我嘅獨武功.......就係狂風掃落葉喇!!  買了指甲油, eye shadow, lip gloss, mascara..... 

再過幾年,當我差點以經遺忘它的時候,再次比我重遇返呀!  地點就係RMK嘅office,事原當日要去他們office幫RMK做make up training.  當我行過時見到Chic Choc放在他們office內,細問下原來Chic Choc是他們其中一個品牌,真係很開心啊!! 便托了他們幫我帶點最新嘅products給我啦,真的要再次說聲多謝!!!

最新 Magical shiny eyepencil,共有17色 (NT$480).  顏色超靚很閃又易上色,鐘意bling bling眼嘅女生最啱. 

之前喺台北買嘅超sharp嘅mascara,暫時仲未揾到其他brand代替它.

買咗唔捨得用嘅eye shadow.

有機會嘅話大家去台北Sogo睇睇啦.  www.chicchoc.com.tw

春妝 2009-02-24

剛剛替Bobbi Brown化了最新的春妝. 大家一諗起Bobbi Brown多數諗起earth tone color或nude妝等等....今次BB PR揾我化呢個job嘅時候已同我講今次是BB的一大特破. 所以叫我可以用colorful嘅顏色,colorful???係我心目中佢哋再colorful都只不過粉紅,粉紫呢類顏色. 但當我一見到呢盒eyeshadow set之後,就嘩嘩聲地說:今次真是BB的一大特破呀!!

比大家睇睇呢set eye shadow先.

係唔係唔似Bobbi Brown呢, 35色的eye shadow一隻啡色都無. 包裝很細很輕,帶出街亦很方便. 做out job就最方便,顏色很自然不會太誇張很易handle.

睇完呢set eye shadow後,當然要睇我化嘅妝啦!!

今年春天都會流行粉色.粉紅,粉紫,粉藍....大家可以試試呀.

好多女生都怕化粉紅色,怕眼腫. 大家可以用淺同深嘅粉紅色增加眼部嘅立體感(例如前淺後深),再加上啡色眼線(用啡色比較自然)便可. 之後再加上粉紅胭脂,lipgloss就完成,整個感覺比較girly.

1st Look

Blush - Apricot

Creamy Lip Color – Coral Pink

除了粉色之外,很多品牌都出了很sharp顏色嘅eye shadow. 除咗BB外RMK,Guerlain,Clarins,IPSA....都出了一些很特別的顏色. 相信大家都在magazine看到它的的廣告了,很吸引. 你們又要大出血呀!!

這個妝用色比較大膽,誇張. 用了黄,綠,藍3種顏色在眼上. 所以面同嘴可以用一些比較自然的顏色. 珊瑚色是我今季最愛嘅唇色,無論任何膚色都適合. 很自然又唔會太pale.

2nd Look

Blush - Apricot

Lip Gloss – Pink Cloud

春天以經到了,大家快d轉個新look啦!!

試試醫學人體生長因子技術facial part 1 2010-06-13

由2月開始就無時間去做facial,

而家真係唔認老都唔得呀!!

細個嗰陣時,唔搽嘢瞓覺都無問題,

d印過幾日就退晒.

而家搽少樣嘢都唔得呀!!

仲要唔可以用錯嘢wor....

之前去台灣唔記得帶洗面嘢,

諗住2日啫,咁我就好求其咁買再枝洗面....

咁就出事喇!!!

返到嚟塊面出晒敏感粒粒,

唉!!!

真係又攰又灰呀!!

唯有去做facial救吓啦!

最近換咗整set skincare, Skin Medica係一個美國醫生品牌.  將人體生長因子加入product裡面, 對抗衰老&煥膚好有效ga. 不過最緊要唔會令我敏感.

其實2年前以經開始用呢個品牌,第一次喺event見到skin medica嘅始創人Richard E. Fitzpatrick就以經知道一定要試吓佢哋嘅products.  佢d皮膚靚到...真係唔係講笑,無紋、好滑又無毛孔,靚過晒我哋d女人呀!!  以下呢枝就係我用佢哋第一枝product亦用到而家都唔知'n'幾多枝lu.  TNS Recovery Complex係一枝去紋超強嘅product,坦白講,我塊面就無咩紋.  不過我隻眼就嚴重得多呀,所以我就用呢枝TNS搽眼去紋.  身邊亦有好多記者朋友都愛用,不過佢有一陣不知怎樣形容嘅味....初時真係有d唔慣,用耐咗就ok喇,最緊要係work ma....忍忍la, haha!!

今次去咗cwb奵屋做facial,用嘅全部都係Skin Medica嘅products. 去完台灣之後又要返大陸,塊面真係污糟到不得了呀!!  再加上我個底好污糟(油性皮膚),所以美容師都要幫我清潔好耐,真係唔好意思啊!!

首先,用儀器幫我清潔去死皮後再針清.  由於皮膚比較敏感,用嘅係Skin Medica sensitive skin cleanser.  首次素顏出鏡,希望多多包涵!

 

用嘅係呢部儀器.

左面有個杯,做去死皮嗰時,d唔乾淨嘅嘢就會落咗去呢個杯到.....我真係唔敢睇呀!!

之後再用儀器將水份essence帶到皮膚底層,皮膚夠水份嘅話油份亦相對減少,而家塊面令令哋係d 水份essence未吸收晒.  最後再嚟番個collagen mask咁就ok喇!

做咗2次treatment後皮膚水份好好多,好似pump咗好多水入去咁.  彈性亦好咗,水份夠d毛孔睇起來又細咗.  做咗2次有咁嘅效果真係唔錯呀,等我再做多幾次再同報告比大家la!!

你是暗瘡性皮膚嗎? 2010-05-23

坦白講,

雖然年紀以經唔細喇.

但係仲成日生暗瘡,

其實同香港天氣、環境有關.

有好多外國model未嚟香港前,

從來都唔會生暗瘡,

但一嚟到香港就係咁生,真煩!!

由於香港濕度好高,天氣又熱,

真係好濕熱又令到d毛孔大晒呀.

加上空氣差,好污糟,

如果面上出油ge話就弊喇!!

d污糟嘢撻晒喺塊面到,

唔生暗瘡就奇呀.

再加上香港飲用嘅水,

聽中醫師講係屬於熱水,

所以會令到腸胃好濕熱,好差.

腸胃唔好緊係生暗瘡la!!

如果想腸胃好d,

醫師話唔好食咁多濕嘅嘢wor....

例如: 橙,西瓜,芒果,凍嘢,白麵包,熱氣嘢.......(好難唔食ga wor...)

唯有食少d la.

以下嘅skincare係我呢排用開而又好好用,所以想介紹比大家.

Bicelle Acne Vanish Serum,搽cream前用嘅serum. 搽完後暗瘡、粉刺真係生少咗.

Bicelle R-OX Pore Tightening serum,啱晒我呢d毛孔大嘅人,可以收緊毛孔. 不過要同大家講收毛孔嘅product多收只可以收緊毛孔,而不是可以收到變咗0毛孔呀!! 要收到0毛孔ge話,不妨去試下做d收毛孔嘅lazer.

之前好鐘意用嘅痘立消,唔知點解無得賣. 呢排新寵就係Clinique Anti-blemish Solutions Spot Treatment Gel.

仲有佢哋枝Clearing Moisturizer Hydratant Purifiant Formule s.o.s,質哋好清爽,可以預防暗瘡、粉刺等形成. 價錢又唔貴,買枝試吓la.

不過用暗瘡嘅product用得多,皮膚會好容易變乾. 所以要用d水份嘅essence打底先,咁就無咁乾喇!!

我最常用嘅就係呢2梗MTM Moisture Building Complex & Collagen Hydro Essence,其實已用了好幾年. 鐘意佢覺哋好清爽唔'立',但又好補水wor very good!!

大家要記住wor,油性、瘡暗性嘅皮膚都要有足夠嘅水份補充呀!!

聽好多人講,話自己係呢類皮膚,驚搽moisturizer會梗容易生瘡.

其實呢個觀念係大錯特錯呀!!!

有時皮膚唔夠水份先會出咁多油,

咁就變咗內乾外油,會出埋乾紋仔,

再嚴重d會變埋敏感性皮膚嘅話,

到時就麻煩喇!!

揀返d水份嘅moisturizer就ok ga la!!!

聖誕過後---急救皮膚 2009-12-29

咁就過咗x'mas,24號過了一個很靜很平安嘅平安夜.  但從25號開始,晚晚要去party,gathering.....好開心,但係好攰,真係年紀大機器壞.....瞓返十幾粒鐘都保唔番呀!!!

第一時間顯示到真係快d要做急救嘅當係我嘅皮膚la.  最重要嘅係.......1月3號我有一位好好嘅中學同學結婚,本人嘅職責係大會髮型化妝師+姊妹+整花球+整飾物....忙到極點.  身為化妝師嘅我點可以比人見到我皮膚差嘅一面ga....重要見咁多人.

知道坊間有很多天然急救皮膚嘅方法,但係呢一刻都我嚟講係要快,靚,正嘅方法.  想快,靚,正嘅話....梗係要洗d錢啦!!

昨天就去咗Reenex做急救,一開始美容師好詳細+細心解譯比我聽要做咩treatment.  我做嘅係骨膠自生treatment,原來要做急救都要做好多步驟,好彩我只不過係瞓喺到比人做嗰個啫,haha!! 

首先,用CPS水基酸有效溶解老化角質,促進肌膚新陳代謝,豐厚活性表皮層,刺激骨膠原,彈性纖維及水份 (黏多糖)增生,提升保濕力.  真的不好意思,素顏不便上鏡,唯有model頂上.

Step 1: 卸妝及清潔面部

Step 2: 先在面部搽上預備液

Step 3: 將水基酸塗於毛孔粗大的T位,然後逐步均勻塗抹全面.  水基酸停留2–4分鐘,溶解連結死去細胞的膠狀物,以利皮脂排出,暢通毛孔

Step 4: 噴上特製中和液中和酸鹼度

Step 5: 塗上營養面霜及防曬霜

感覺有少少拮拮哋,做完後皮膚乾淨咗,黑頭少咗.

之後要冷凍皮膚,以1540nm的冷凍光學深入真皮層的骨膠原所在位置500微米,活化纖維母細胞增生骨膠原,提升肌膚彈性和承托力,可以改善及預防各種肌膚老化徵狀.  同埋能收細過於發達的皮脂線,改善過盛油脂分泌.  啱晒我呢d油人呀!!

 雖然係lazer,但全無痛嘅感覺,不用搽麻醉膏,仲有涼涼哋感覺.   整個過程大約1hr 30mins,做完能見即時效果.  感覺皮膚滑咗,無咁乾&毛孔細咗, 希望可以keep到耐d啦!! 

大家有興趣嘅話,請去以下trial link,仲有product送ga,快d試試啦!!

http://www.reenex.com.hk/edm/200912/RBLOG1109G/form.php

撐住呀....骨膠原 2009-11-06

究竟食幾多隻雞蛋先可以補充到呢??

工作關係經常面對來自五湖四海既model，好多人都會以為外國佳麗既輪廓較突出而標緻d，化起妝上黎會更加得心應手，不過累積了不少「閱模」經驗，其實相對本地model而言，外國既女仔多數看來比真實年齡大一d，雖然輪廓係比較深，但皮膚容易有乾紋，水分同彈性不足都會影響上粉效果，常常有唔貼粉情況出現呀!!

究竟咩原因令皮膚開始老化呢？「老」字絕對係女性自信殺手! 一切全因「骨膠原」，早前同公關朋友講開，原來女性踏入20歲，肌膚就開始隱性衰老，骨膠原自我製造能力下降，加上紫外線、污染、吸煙同壓力等會加速骨膠原流失。骨膠原就好似床墊裡面既彈簧一樣，一旦失去彈力，就會變得鬆弛而有下榻既危險，真係驚心動魄呀，所以而家就要補一補，女人唔補好易老haha。

要密集式補充骨膠原，有人會從進食及外塗護膚品著手，不過前者能經皮膚吸收既只有3-5%；外塗護膚品所含既骨膠原分子很大，並不能從底層補充骨膠原。真係唔知要食幾多花膠燕窩落肚先補充到呀！我亦有遇過model注射骨膠原，不過需要每年注射先可以keep到效果，而且醫生手勢都係好緊要，甚至有model試過俾人攪到塊面又青又腫，真係得不償失。

當大家試過很多方法都沒有明顯改善的話，最折衷既方法就係做laser喇！有時皮膚吸收唔到，比你搽幾千蚊一盒cream都無效呀。要從底層增生骨膠原，直接刺激骨膠原自我增生。最近我就得到reenex既邀請，試試佢地王牌水基酸、冷凍光學同TRF射頻，近黎都聽到唔少美容記者朋友讚好，睇黎打救骨膠原有望喇，等我試多幾次後再同大家報告la!