教你揀眉筆

今次想教大家點揀一枝啱自己嘅眉筆,

想問吓大家對一枝眉筆有咩要求呢??

顏色?? 價錢??

除此之外其實質地好緊要ga,

太'立'好易溶眉,

出到街條眉'化'開晒真係好肉酸,

仲要'令立立'.

最慘係人哋見到又話你知,

最後發覺嘅永遠係自己......

我比較喜歡日本品牌嘅眉筆,

因為筆身較硬,

畫出嚟顏色比自然,

顏色又適合亞洲人,

就算你染咗頭髮幾啡幾金,啡紅,啡橙都好,

實有一隻顏色啱你ge.

±±±±±±±±±±±±±±±±±±±±±±±±±±±±±±±±±±±±±±±±±±±±±±±±±±±±±±±±±±±±±

首先要介紹呢隻絕版眉筆Stephane Marais,而家無得買ga la, discontinued.....好可惜.

呢枝眉筆無論顏色,質地都好到不得了. 當年我知道唔再出嘅時候,即刻9秒9飛落去Joyce Beauty掃晒佢d stock. Hahaha.....可以用到而家,身邊有不少make up artist & model叫我割愛呀!!! 真係唔好意思,唔得lor.....

不過我知道呢枝眉筆係Shiseido做嘅,買番佢個brand嘅應該差唔多la.....

筆芯較幼,對初學者嚟講較難撑握.

Total有４隻色.

§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§§

頭先講過Stephane Marais係揾Shideido廠做ge,所以Maquillage嘅眉筆一定唔會差呀!! 質地同Stephane好似,其實都唔知係唔係一樣ge???

呢枝扁平身,容易d handle.

另外一邊係棉棒頭,想眉頭soft d可以用呢邊,咁眉頭就會自然d ga la.

有3隻色,顏色偏向深色,襯自然髮色或染深啡髮色嘅姊妹們.

++++++++++++++++++++++++++++++++++++++++++++++++++++++++++++

呢枝都係Shiseido出品Majolica Majorca. 上堂大部份學生都用佢,價錢平又好畫.

都係扁平設計,但比Maquillage厚身d. 畫法一樣無分別,唯一一樣要注意嘅係眉尾會容易畫粗咗.

可能係young line嘅關係,顏色比Maquillage淺d. 啱晒鐘意染髮嘅o架妹.

*************************************************************

如果染到d頭髮好淺色好難揾到match自己眉筆嘅話,大家不妨試吓Canmake la!!

幼筆頭設計.

頭2枝顏色帶啡黃,就算染到d頭髮顏色好似鬼妹咁金都match到呀!! 其他brand好少揾到呢類顏色.

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^

咁我自己又用咩brand呢?? 呢排做咗洋妞d頭髮染淺咗好多, match到我頭髮顏色嘅就係Coffret D'or嘞.

同Maquillage design一樣,我條眉超油,好易溶眉. 暫時試過Staphane, Maquillage,Paul & Joe同呢枝都好襟.

~~~~~~~~~~~~~~~~~~~~~~~~~~~~~~~~~~~~~~~~~~

唔知大家有無發現我推介嘅都係筆芯形呢?? 因為筆芯形嘅筆芯較硬,畫出嚟比較自然,

筆狀嘅眉筆筆芯太軟,蠟質較重,畫出嚟嘅顏色較實,唔夠自然.

大家睇睇下面幅相,我用筆形嘅眉筆畫嘅. 顏色好實,好似我哋用蠟筆畫出嚟咁.

再用手指擦吓先.....

一擦就以經'化'晒,就証唔太襟,尤其係油皮膚呀!! 唔夠半個鐘就溶晒!!

呢枝係筆芯形嘅眉筆,畫出嚟就好似木顏色感覺,擦極都唔'花',好襟.

最後要提提大家揀眉筆時唔好o係手到試顏色wor,因為硬芯眉筆畫喺手到係畫極都唔出色ga.

Janice