Shiseido難忘之旅

終於可以介紹得la!!!

等到頸都長呀,

而家先寫得....

留意開我哋個blog嘅,

應該會記得3月份去咗個trip,

得到Shiseido邀請去咗日本嘅beauty trip.

今次組合都特別,

相信beauty界嘅第一次,

大家睇吓下面d相就知ga la,

上星期收到佢o地新products

新出嘅cream to powder foundation,好幾年前都出過類似質地,好潤ga...所以我用嚟遮眼黑眼圈. 不過出咗1次就無再出喇....今次再出番coverage更好,更水潤,更有光澤感,好適合乾性皮膚用.

想講嘅就係呢枝foundation brush,形狀同其他foundation brush唔同. 仲有印咗我個名ga....私家掃,多謝Shiseido.

大家都知道日本造掃好出名,早於18世紀以經有不同形狀嘅化妝掃出現. 日本人做每件事都十分嚴謹、認真. Shiseido於2008年開始研究,直到今年才研製成功. 當中經過無數嘅測試,試製了數十支不同掃毛組合嘅作品完做到呢枝掃.

用法好簡單, Shiseido日本同事話"噹、噹、噹"就ok喇.  即係"印、印、印"呀!! 好多人話試過用foundation brush會有粉痕,可能大家用咗動物毛做嘅brush la,就會比較容易有痕. 用呢枝掃掃完後再印就無痕ga la,唔係professional都控制到.

我哋去咗日本廣島熊野縣參觀咗間製掃廠,當地員工講解做掃嘅歷史. 原來熊野縣已有170年造掃經驗.

很多不同質地嘅毛做出不同類型嘅掃.

擁有多年經驗造掃師為我哋示範由人手造掃嘅過程.

除咗我哋之外,仲有小學生去參觀.

造掃師好快手就做好枝掃嘞...而家就輪到我哋大顯身手.........

唉....失手就真!! 做到好整齊真係好難呀!!

我哋整好掃頭後,就交比工作人員燒焊.

仲見到到多唔同型狀化妝掃, d質地好滑,好舒服ga.

Gary完成咗喇!! 大家互影吓先, Annie.G一早就攪點咗,佢喺後面呀!!

嚟番個大合照先,最後排係Shiseido日本同事,我哋係廣島多謝佢哋照顧. 另外仲有Shiseido香港同事為呢個trip打點一切&細心照顧, Cosmopolitan Queenie(我哋玩得好開心呀!!) 最後好開心可以跟2位前輩化妝師Annie.G & Gary Chung一齊參加呢個trip,真係完美嘅組合,令我獲益良多,好期待我哋下一次嘅旅程!!

最後最後,再次多謝Shiseido特別我訂做嘅私家掃,仲刻咗我中文名,得1枝ga jar....唔捨得用呀!!