好鞋子

除化妝之外我仲有一個嗜好就係買鞋,

我相信10個女人最少7個鐘意買鞋,

鞋真係有一種攝人嘅魔力,

令人好願意拎數千元出嚟買一對鞋.

我諗最主要原因就係平價鞋同貴價鞋好容易一眼比人看得出.

相反衫如果你識mix and match嘅話,

就可以有自己獨特嘅style.

外國brand嘅衣服對我呢類咁嬌小嘅身形來說實在難以handle,

又不太喜歡太kawaii嘅日本brand wor,

所以自己就比較支持本地創作.

至於鞋lo wor....

sorry.....

我都係比較鐘意外國品牌,

因為之前試過本地品牌嘅高跟鞋,

實在受不了呀!!!!

刮腳不特止,仲要扭踭,

唉..........

仲要行咗成條街係咁扭,

最後頂唔住返番屋企換鞋.

試過幾次之後...

都係算喇,

唯有貴d買外國brand la.

但係惡夢就開始喇.....

從始就不能自拔......

家裡最少有100對鞋,大約有70對係高跟鞋,大部份都是外國牌子. 很多都購自Joyce,有時Joyce mark嘅價錢會比Lane Crawford同I.T平d. 試過有次買過相同嘅鞋,減價後Joyce平I.T$200元呀. Joyce warehouse有好多筍鞋執ga,有時間去海怡工貿睇吓la.

呢對着咗多年嘅Stella McCartney係我至愛之一,個款好襟興易襯又有型. 佢哋鞋嘅特色就係腳中間嘅楦位好細,着出嚟隻腳好修長好靚. 

Givenchy係我最愛嘅fashion brand,不過佢d衫太貴喇!! 買吓佢d鞋止吓渴先....呢對鞋雖然好高,但又唔係太辛苦wor.

呢對係國內出品Stell Luna,國內有好多分店. 鞋款絕不老土,有點外國大品牌feel. 當然價鞋會比外國brand平d la. 不過以國內品牌來說都屬於高檔品牌,有好多國內&台灣明星都愛着,discount後價錢大約$500購自Bangkok Stella Luna Warehouse.

好襯又好行,着whole day都無事. 近期新買嘅外套,又係好好襯嘅款,購自金佰利V Love U,大約$700.

對鞋嘅橡筋位做得好前,會着得舒服d.

Miu Miu嘅平低鞋係我嘅首選,好舒服. 之前試過買一對超貴嘅魷魚鞋,又貴又痛超唔舒服,激死人!!!

另外一對款色比較斯文,出event時着.

我好怕着波鞋,覺得自己唔係呢杯茶,總是格格不入. 連身邊嘅朋友都笑我,話我唔係呢個style wor....其實我知ga.....但係有時做嘢想causal d ga ma....所以Converse係我唯一嘅選擇. 呢對波點Converse喺台灣買,特別版嚟ga,都係百多元jar.

今日就嚟個女性化嘅casual look先.