每周星Guide：容祖褲 2009-11-18

基於上次寫Angelababy率先以H&M的post收到很多positive feedback，所以決定每周評評明星的衣著，希望大家多多支持啦~

說回正題，其實我標題所寫的「容祖褲」，即係容祖兒條褲，但係我相信呢兩條褲，香港artists 除了Joey外，應該冇咩人能carry到，所以我叫它們做「容祖褲」了!

Joey在前兩天分別出席了十大中文金曲記者會同拉闊音樂會，在兩個event上，她也穿上ASHISH 09 FW的褲子亮相。嘩呢兩條pants真係超級搶眼，但同時又超級難carry，偏偏Joey又能carry到，真係要寫個服字!

拉闊音樂會的美國旗珠片褲，襯白色top和sneakers，超型!

十大中文金曲記者會的立體七彩波波褲，唔駛剪tee，已經搶晒鏡!

Joey對ASHISH有特別偏好，今季已著過幾次，我諗係因為ASHISH設計夠誇夠搶，夠dramatic，更加唔會撞衫啦（因為香港售賣ASHISH的店鋪每個款只有入一兩件，而且都冇咩人好似Joey甘夠膽啦!)

香港artists中，真心喜歡Joey的style，其實很多artists都靠stylists執靚造型，好似千嬅同謝安琪甘。雖然Joey都有stylist，但我知道大部份造型都是她一手包辦，最緊要是佢肯試一些好誇的衣物，但出來效果又好OK wow，you know著住全黑的衣服要型唔難，但著到花碌碌又好睇就好考個人功力了!