真的不捨得 2009-10-24

見過我屋企咁亂未??  連我自己都未見過,仲有3日就要離開啦.....唉!!  呢一刻嘅心情真係百感交集,非能用筆墨來形容呀!  可能我墨水少啦,我只可以諗到一個形容詞來形容自己就係自作自受.

1. 怪自己屋企有執唔完嘅化妝品&護膚品,執極執唔完,又要自己執,因為我相信冇人識幫我執,呢樣工作我從來不會假手他人.

2. 怪自己買好多衫,發現自己成日買相同style嘅衫.  雖然專一係一件好事,但係當你發現自己有好多相同style嘅衫又未剪牌嘅話,又唔知要唔要好就未必係一件好事.  結果係唔捨得掉衫嘅情況下大家睇吓......

唔好以為2袋咁少,係8袋先啱,仲未計掛裝呀......唉!!

3. 怪自己情迷高跟鞋,之後會暫時搬回和家人住,所以不能將所有深愛嘅高跟鞋搬回老家(自知一定被家中嘅希特拉痛罵),為有精選了大約20對頂住先啦!!  不過最擔心嘅係入咗箱嘅鞋會被刮花,雖然入晒鞋袋好安全.........但係.......花咗嘅話真係跳樓都唔掂呀!!!

呢對係我近排最愛着嘅prada boots.

4.怪自己買咁多擺設,d玻璃擺設好難pack,淨係擺設都pack咗幾箱.

5. 怪自己太愛屋內每一件傢俬,將屋內嘅每一件傢俬,鏡,窗簾,燈....拎得走嘅都拎走,後果就係要租一個大倉放住先.

6. 怪自己太多嘢,雖然有家人幫手,但都要pack足一個禮拜.

7. 怪自己太快决定賣樓,之後再見唔到窗外嘅美麗風景了................希望下手主人要繼續愛錫呢間屋啦!!

之前有機會入Disneyland hotel做個make up event,入面嘅裝修擺設真係喺我杯茶呀!! 

張床靚到呢..........

洗手間嘅牆紙都靚過人呀!!

超級靚嘅洗手間.

喺呢到bathing真係浸咗落去唔願起身啊!!