去旅行必做戇居事10式 2009-09-01

自從做了make up artist後,識了很多各行各業嘅朋友. 當然唔好浪費啦!!  之後我哋個blog會邀請各行各業嘅朋友客串寫吓...我哋嘅內容將會越來越豐富. 希望大家多多支持!!

其實識呢位朋友嘅時間不算太長還未到一年,但我覺得呢位女孩子好得意,常常笑容滿面. 等佢自我介紹啦!!

作者簡介：Jas Tang

前BeautyExchange.com美容編輯，為愛情，為理想，將橋居倫敦，但仍會繼續參與香港與中國的美容界事務，做個工作多元化的自由撰稿人，看來我一世都沒有可能走出這個大染缸了

愛美，愛Playful的人和事，
愛發呆也愛思考；
愛說話又愛費話；
愛電影愛音樂但包容度不高；
愛Shopping但永遠覺得買不夠；
愛旅遊但即使Backpacking也秘密地在大背囊藏一堆護膚品。。。

好多香港人都鍾意去旅行，大家有無諗過點解？

以下應該是最普遍的答案：

1)     「想食D香港食唔到嘅嘢！」

2)     「想買D香港買唔到嘅嘢！」

3)     「想去靚靚沙灘，想睇火山、雪山，總之特別嘅嘢啦！」

4)     「想增廣見聞，識多D朋友」

5)     「想歎/Relax~」

講嚟講去，無非都係呢五個字o者—「想放縱一下！」

我都好鍾意旅行，除咗增廣見聞之外(唔好笑我老土，我呢一秒想認真o者) ，放縱可以話係我去旅行的首要目的，也是令我對每次旅行回味無窮的主要原因。

這裡講的「放縱」不同於放肆買、放肆食等「皇帝式享受」，基本上我去旅行時都不奢求食嘢買嘢，因為香港咩都有，我亦都無錢；我所講的「放縱」是指遠離熟悉的社會和熟悉的人之後，感覺到的那種真正的自由，好像你終於可以想到甚麼便做甚麼，不用再去理會別人的目光與批判，我覺得這才是旅行真正的意義。

以下就為大家帶來「去旅行必做戇居事10式」，教授最practically最能夠令你Relax的放肆必學動作。

1.      Meat Pie Party

2008年初加勒比海 Little Corn Island

在小島上和新相識的朋友巧遇一名賣Jamaican Meat Pie的小販，他的Meat Pie令我們一試難忘，於是我們便好瘋狂地向小販翌日為我們弄幾十個Meat Pie，讓我們在美麗的沙灘上野餐。

2.      草地起舞

2007年初夏挪威奧斯陸

做人有咩好得過在陽光燦爛的日子，在滿佈小黃花的青草地上跳舞？。。。好癲。

3.      為慳$100，險被打靶

 2009春中國烏鎮

哈哈！其實又無打靶咁嚴重。話說要入古城收費RMB 100，我和一位朋友都覺得「有無搞錯」，心裡對這種專「昆」遊客錢的手段十分不甘，於是我們唯有繞著古城的圍牆走，試圖越牆而入。走呀走。。。有好人好心給我們一些hints，提供偷入的線報；但也遇到一些超惡的當地人，最後，走了大半個小時，正當我們心灰意冷之時，竟給我們找到一塊較矮的圍牆，而且附近守衛只顧吹水，於是我和朋友只想了30秒，便衝動地爬牆，然後碌落草叢成功進入禁地。

那次讓我更清楚自己的潛能無限大，真係咩都夠膽死。

罪証不能公開，不好意思。睇住風景照先。

  

4.      扮鬼扮馬唔知醜

2008年夏中國鳳凰

本來我覺得租這些Costume來拍照是十分「大陸遊客」的事，但是那個中午太無聊了，被朋友說服了，租了這兩套一男一女。嘩！唔玩尤自可，一玩就發癲了！我們狂擺白痴pose，擺fashion，擺老土，唉！無眼睇！

2009年春

蘇格蘭

5.      完全唔知死的衝波經驗

2008年初中美洲尼加拉瓜太平洋岸

那次是我第一次接觸滑浪，第一日找了個教練教了一個鐘，玩得超開心，也很proud of自己有幾次企到起身(雖然玩到膝頭受傷) 。翌日又去玩了，當天海灘上很多professional surfers，不過總覺得不對勁，那些浪好像會扯人出去的感覺。我和男朋友的安全意識極度薄弱，直至有一個浪把站在海中心的我捲走，好彩好彩，男朋友好快發現，和另外兩個救命恩人來救了我，這次死裡逃生的經驗，我一世也不能忘記，我到現在還對海有些恐懼。

6.      就地取材，野人生活

7.      懶有情調，完全唔飽BBQ

2007年初夏挪威奧斯陸

去過歐洲的人都可能知道，歐洲人的BBQ形式和香港的有很大分別。

這樣的BBQ，又慢又少嘢食，餓死人。之不過，和一大班當地朋友開party，傾吓講吓，都幾開心幾寫意，食少一餐半餐都無計啦！

8.      樹洞達人

2008年初中美洲洪都拉斯

那次去參觀馬雅文明的古蹟，誰知沒有想象中的震撼，沒有東西好做，幾個人唯有自我娛樂，見嘢就影，無聊地拍了一張這樣的相片。

9.      玩雪

我呢種老土的人當然會做這種老土的事。不過講真，有邊個第一次見雪唔玩餐飽？希望我以後不會再如此失儀啦！

10.  行到邊彈到邊

2009年夏澳門