學生Yuki出job實錄

係呢個咁充實既四月頭，實在係學左好多野，點解咁講呢，因為我係短短既8日裡面幫左Jancie 6日手呀~哈哈~但唔好以為我地日日做既野都一樣呀~係每日都唔同人唔同主題架~好~等我介紹下啦~

首先係去一個我做左廿幾年香港人都唔去過既觀景台~個度有係著名景點黎架原來~當然有好多我國既同胞啦~我地仲講笑咁話收$50蚊張相~佢地考慮完真係大有興趣咁想同我.........地個model呀kate影呀~當然最後生意唔成啦~講笑之嘛~返黎正題，今日學到D咩呢~其實outdoor影相除左景要靚之外~燈光都會有影響架 ~個妝要keep得好都要花多D功夫架~好似要印油可能會密左啦~~同埋轉妝補妝既地方係有局限~唔同係studio有台有凳~我地個日就係係van仔裡面補妝~同係公園既凳上面轉妝喇....

之後個日就係做cosmo既job~model係Annie.g~嘩~呢日仲忙d呀~因為我隻眼要分兩邊偷師呀~一邊當然係Janice啦~另一邊係呀蛇Lawance呀~佢由吹頭到夾到set都好有心機~所以我可以review下上堂學過既野喇~話咁快就化完個大眼妝~錄埋movie影d相就走得~好快手呀~

再黎唔好停喇~~今次係一日兩單~早上呢就去左觀塘到做Bazaar~今日呢個model真係好靚女~佢叫Odelia~個樣同d pose一樣咁得~為左有D動感~今日仲加插左一個環節~就係拋波喇~~雖然係體力勞動~但我覺得好好玩~希望到時認得邊個波係我拋架啦~^^~今日都係outdoor所以要拎定D touch up既野係身啦~今日既製作真係大家都好用心架~出心出力~
接住就趕去做東touch化個玩妝~由於Janice快手~所以好快就收工~

抖左一日再幫手~今日都係東touch既~個model好有氣質呀個樣~而今日著既衫又好有春日feel~見到靚野個人都精神d~今日studio入面仲有2隻好得意既貓叫bibi同 bubu~仲識入鏡架~好叻~今日都係好快搞掂~

再黎就係帶病上陣喇~因為咳未好所以唯有帶住口罩啦~.唔好傳染人嘛~今日去左balenciaga shop度影新裝~呢個model真係超型~淨係個頭都殺哂~好有味道~由於佢有少少面毛~所以Jancie教左我呢d情況唔好用咁多concelar~盡量薄~又袋左錢啦我~
重點係今日化妝既地方係一個fitting rm~真架~得鏡同一張凳~由於一早就已經收到通知話個地方冇細~所以就唔好攤哂D野出黎~要咩先拎~所以都要熟習下個袋裡有D咩架
 

好喇~到今日喇~係shishedo既event呀~今日介紹新products~重點係粉底~用過真係ok喔~不過就細支左少少~但都可以話係方便擄帶既~黎緊我都會買~今日見到另外2位星級化妝師~係Gary同Annie.g~上台示範不同顏色既眼影，大家都好快手呀~而台下既就係不同既editor~真係好熱鬧~今日又見識多D野喇~所以你話我係咪好充實呢~~