居家旅行必備：RIMOWA行李箱2010-02-27

作為一個潮流人(?!)，除了着衫要有型又潮外， 去旅行時的行李箱亦係重要一環， 你睇啲明星唔係用LV就係用GOYARD，就知道呢個細節是不能求其， 比人喺機場見到你用個幾百蚊的雜牌行李箱你話幾咁醜怪幾咁唔潮呢？

不過呢啲頂級名牌唔係個個買得起，下下都四五萬港紙起跳， 我呢啲下等人就梗係可望而不可及啦， 就算比得起都唔捨得將佢寄倉比人掟黎掟去啦。所以呢，最佳選擇：始終是德國名牌：RIMOWA。

RIMOWA在歐洲已有過百年歷史， 不過要數近年先開始多人認識，又係多得日本仔識貨， 先喺日本興起，再之後將RIMOWA的潮流傳到亞洲各國，而家香港都有三間專門店，一間喺尖沙咀假日酒店，一個喺中環BAPE斜對面，仲有一間就喺機場T2。另外連卡佛都有代售，不過就無專門店咁齊款呢。

RIMOWA又乜過人之處？一個字：型！

佢有兩大主要系列：

TOPAS採用超耐用的鋁鎂合金，外型最為突出亦最有型， 尤其是貼滿哂貼紙久歷風雨的樣子最引死人， 真係要用番十年八年先有咁的效，亦証明TOPAS真係好鬼耐用。

另一款就係用左防彈塑膠製造的Salsa系列， 亦即係我而家用緊呢款，佢有幾個主要優點：輕身、容量大、 價錢較便宜、實淨。有幾輕？我呢個係數年前舊款的32吋都只係重5KG左右， 而家新出的Salsa Air更只係重4KG，即係代表可以有更多位置掃更多貨！ 而且佢個內設計簡單容量超大，諗過用佢裝近30KG的戰利品都無問題( 超重另計！)。同埋咪睇佢係用膠做好似好兒戲， 但其實真係又撞得又掟得，然係用拉鍊但係用防水設計，點睇都好過啲雜牌！

我而家身在澳洲，個trip差不多40日，用o既就係黑色Salsa~

紅色Salsa o岩晒女仔用，Cath都係用家呀!

最後講價錢。Well......以一個百年歷史品牌， 一個32吋行李箱(SALSA)由HK$4,000起跳都唔算過份啦，話哂可以用番十年八年又有型喎,乜都抵番哂啦！最後提下大家，一定要買四輪版本呀， 因為真係方便易拉/推好多呢。

講左咁耐，仲未講點解條題係［居家旅行必備］？其實只要買番十個八個TOPAS，就咁放佢喺大廳，真係型過TK氏呀！