首爾之旅－－Highly UNrecommend篇

剛剛完成我們5日的首爾之旅，差不多兩年沒踏足韓國，當然盡情購物一番啦，我們會陸續分幾個post為大家介紹是次的戰利品，大家要留意啦！係介紹正野之前，真係有d野不吐不快，我諗好多人都聽過韓國人冇咩禮貌，但係今次我地去到基本上遇到韓國人都好nice，甘當然有例外，所以特登為大家寫呢篇“Highly UNrecommend篇”（我地自創詞彙）！希望將會去韓國的bloggers可以留意啦～


No1.南大門Hotel Irene




1。訂twins room變咗double room!間房明明只係一間double room, 但為左變twins room，就夾硬「行」多張單人床，令到間房細到行唔到,連張電腦椅拉唔到出嚟,仲話係香港嘅旅行社有問題,明明張 hotel voucher寫住係Twins都話唔關佢哋事wor... 



2。間房唯一的衣櫃就係呢個，高到上天花板！櫃裡雖然有支竹竿的物體，但根本用吾到！我地懷疑係for 姚明用的！



3。因為間房實在太迫，所以我地打去front desk叫佢地收左個張單人床，佢地話要第2日執房先可以收（我地住5日4夜）。第二日返到酒店，發覺佢地連張單人披都收埋，甘我地又再打去front desk話想要返張披，點知過左一陣，receptionist打返黎話no more blankets, 又話如果堅持要多一張披就要我地換房！後來攬左一輪終於拎左張披黎！
點知第三日返到酒店又收左我地張披！甘我地又再打落去，今次個男receptionist超冇禮貌，走上我地房話我地間房係double所以只有一張披，我地解釋話我地係訂twins只不過我地太迫先叫你地收走一張床，佢就話我地之前冇request要兩張披！對話期間仲每講一句就話：Listen! ,勁rude!

4。酒店website明明寫住每日有2枝免費水提供,但每日雪櫃只有一枝水.無論係twin bedroom定double bedroom房內有2枝免費水都好正常啫....個男receptionist話枝水係免費嘅就係得1枝...（我同事間第一晚間房支水仲要開過的！！！）

5。同喺佢website上面show d房間相完全唔一樣,間房好暗,洗手間超黑.仲要每日沖沖吓涼時,洗手間d燈會自動熄.如果自己一個住就比佢嚇死lor...(Janice補充:最弊就係每次都係Cath沖涼先有事....到第3晚我冲完涼後出嚟同Cath講:Haha....次次都係你,肯定玩你啦!!又唔我有事....我講完之後又入番去洗面.話口未完,入到去唔夠1分鐘就熄燈比我睇嘞,之後背脊仲有少少涼呀!!我當然無同Cath講我背脊涼la,我怕嚇死佢呀.)

講仲要個廁所每次沖廁都勁大聲，d廁所水仲要彈晒出黎！

6。因為工作關係，第4日我地要用熨斗，點知receptionist話有人用緊，問左成兩個鐘都係話有客人用緊！莫非全酒店得一個熨斗？如果有人借完唔還,其他客人就無得用！

7。最最最緊要係間酒店唔算平ga,要HK$1,500一晚！（吾包早餐ga!) 真係我地生平住過最差嘅酒店.

No.2明洞薯條

呢位哥哥黑口黑面都算，呢杯所謂薯條硬到似餅乾條，仲要3000won( HK$22.5),千祈吾好試！！



我地食左幾條已經投降！！

No3.明洞Etude House( Burger King隔離那間分店）

講番真係long story，話說有晚我地去左明洞買化妝品，首先去左innisfree, 之後去左Etude House，跟住去It's Skin，點知去到It's Skin先諗起買30,000won可以退稅，所以諗住去番頭兩間鋪頭退稅，但因為明洞每個化妝brand都有好多分店，我地諗住去其中一間分店也OK la, 首先去innisfree冇問題，好快就退到稅，之後再去上圖那間Etude House，點知sales就話我吾係呢間分店買所以不能退稅，甘我問你地吾係Etude House嗎？佢就話每間分店不同老闆wow,跟住我問我買個間係邊到，因為我認吾到路，佢竟然話吾知！後來我地去第2間Etude House問先搵得返我地開頭買野個間鋪！
過左兩日，我地再去明洞買野，點知吾小心又去左呢間Etude House! 今次我地記得俾錢時退稅，俾完錢後我地問係咪有samples ？（因為我地買左30000幾won, 通常都有幾款samples試），點知收錢o個個阿叔好串話退稅冇samples! 好嬲!(呢間Etude House喺大街呀,即forever21嗰條街).其實Etude House d野幾好用，又平，係呢間分店d sales特別冇禮貌，大家最好避之則吉啦！