奶粉的控訴

上兩個星期的假期時段有一件事令我精神受到大大困擾, 就係買奶粉比阿女。

死人美贊臣A+ 1號成Q日缺貨,

我由香港仔->銅鑼灣->將軍澳(調景嶺地鐵站上蓋商場)

果日仲要係做完嘢拖住個喼,周圍揾藥房、屈臣氏、萬寧,通通冇貨!!

這個搜尋動作已維持了整整兩個星期,間間都耍手擰頭!!

期間幸好大契媽媽在筲箕灣東大街的藥房找到最後一罐。

得以解決一星期的糧食!!

曾經銅鑼灣有間藥房竟然開價$298一罐,公價是$255,當然藥房會平少少!!

我當時真係想  x # ? ? x # y y 佢

之前奶奶已提醒我A+唔係成日有貨,

懷孕時美贊臣媽媽會曾經送上6罐細的A+ 1號,

而家反為肯比錢都買唔倒!!

於是我聽朋友指示可直接致电美贊臣訂購,但佢地隔咗幾日至覆,

我即時忍唔住對她們大控訴,實在難以抑壓當時的情緒。

有得揀都唔想隨便轉奶粉,驚BB唔適應,腸胃敏感,

但今次美贊臣簡直逼虎跳牆!!不知所謂!

而家我已決定幫阿女轉食日本和光堂,

因為阿哥哥之前都係食和光堂,本來的便秘問題亦即時解決,

加上網上訂購方便又可以送貨

而家阿女開心晒, 仲食奶食得快好多呢!!!