近期推介

一到X'mas又係大家洗$$嘅時間,

有時諗禮物都幾頭痛ga....

驚唔啱心水,

又怕買得太平比人話cheap.....

買唔起名牌手袋,銀包等貴價嘢嘅話,

Cosmetics係一個好好嘅選擇.

起碼用得着嘛,

做咗咁多年化妝師真係收唔少禮物

(係品牌送比我的cosmetics呀! 唔係d名牌手袋手錶呀!!)

雖然我都好想收到......

但係.....就從未收過.....唉!!

Haha....講笑jar,

我都係鐘意自己買,

有時收d太貴重嘅嘢,

真係唔好意思收,

好有壓力.

最近收到d幾好嘅cosmetics想推介比大家,

送禮or自用都ok ga.

Guerlain Or Imperial 閃粉,可噴全身. 每年x'mas都會出1枝新的. 我以經收到了第4枝喇,今年嘅樽身跟以往嘅唔同,用番Guerlain經典香水樽,比之前的更grand,做装飾一流!!

金色閃粉,令令哋,好自然. 仲有好香嘅Guerlain味.

仲有一個好靚嘅粉盒.

Haha...好得意有d蜜蜂圖案,Guerlain嘅product愈來愈young呀!!  不用最緊要係佢嘅quality好好.

M.A.C最近出嘅mascara Haute & Naughty Lash, 真係好得意,我玩咗一陣先知佢點用.

有double effect,當笫1次打開嘅時候. 見到枝掃沾咗好多mascara,可以做到volume效果.

第2次打開枝掃,唔見咗紫色閃閃嗰部份. 再睇睇個掃頭,沾少咗macsara,份量少d,可以搽到分明嘅效果.

究竟咩原理呢??  其實佢多咗中間嗰part,如果想volume d可以將粉紅色&紫色的一齊扭開就ok ga la. Haha....好得意呀!!

Sonia Rykiel最新珊瑚色lipgloss,無論皮膚深淺都襯到.

閃閃哋化x'mas妝最啱.

MJ每年出x'mas product都好花心思, 今年就出咗枝香水.

唔係噴, 係搽嘅香水. 香甜嘅生果味,少女們最啱. 我?? 扮少女嗰時搽都唔錯呀!! 令我回歸失去已久嘅少女情懷啊!! Hoohoohoohoo!!!

Vivienne Westwood香水有好多忠實fans,今次最新出Naughty Alice味道好清,花香味. 仲有埋條手鏈,收到一定好開心.

Barielle忠實擁躉嘅我,用咗10年. 之前喺Joyce Beauty買到,之後萬寧又有得買. 但係最近又失踪咗,唯有揾其他代替佢la. 最近試用Straight Arrow Hoofmaker Hand and Nail Therapy,效果唔錯,夠潤又唔'立'仲好快吸收tim.