同學外出實習篇

好耐無Update我地Makeup Workshop學生出外實習既情況

上個月化妝師Lauren就搵左我地既同學出去幫手

參與之前係會展既Cosmoprof美容展

當中既Hair Show

實況直擊...

當日就搵左3位同學出去跟Lauren去做野

分別係Edith, Karen 同Virginia

而家睇下佢地實習完後有咩感想

Virginia:

今次有份去實習初初心情真係好緊張,驚做得唔好,因為係跟另一位化妝師Lauren出去, Janice 唔會同我地一齊, 講真自己都係學左10幾堂又唔係叻, 竟然可以去一個咁大型既show到實習,真係覺得自己好幸運~~^^~~~

實習既時候可以學到一d平時係學校學唔到既野,好似一d突發事,例如時間突然有變,變得緊迫左個d.....睇住Lauren 收到時間有變個消息...「吓」左一聲之後,又好淡定咁繼續化, 面對實戰既環境同應對覺得自己學左好多....又覺得原來真係出去做野係完全唔同, 唔一定有一個好似學校咁舒服既環境比我地化妝!真係好多謝Janice同Lauren 比我地去個到實習學得更多!

 

Edith:

能夠參與這個大型的Hair Show真的感到既興奮又緊張.這次實習令我體驗到專業化妝師既工作真的不簡單,除左要有很高的手藝之外,還要懂得臨場應變, 當日所見真的讓我大開眼界,是一個很寶貴的經驗,真的很感激Janice同Lauren給我這個實習的機會.

Karen:

第一次出去幫手, 真係好開心又緊張。去到發覺原來係一個大型HAIR SHOW。一入房第一個感覺係打緊仗。原來做化妝師真的唔易, 時間好緊迫, 控制個妝之餘又要控制好個時間, 真係飲啖水的時間都冇。今次我真係見識過咩係叫做快, 終於明白點解平時上堂JANICE迫我地要COUNT時間要快...
多謝學校比左個咁好的機會我。希望黎緊會有更多的SHOW可以嘗試下。