40-70年代眉型進化史 & Eyebrow gel

上一次同大家分析過四十年代之前眉型既進化，咁之後又興過啲咩既經典look呢?

五十年代可以講係柯德莉夏萍同瑪麗蓮夢露既年代。果時最流行既呢，就係哩兩款好有個性既粗眉look嘞。

一般人都會認為畫左粗眉就會好惡，成個王小虎咁。但係其實唔同既眉型配搭上唔同既妝容、髮型都可以做到好女性化既感覺架！好似「夏萍眉」咁，線條粗、顏色深、明顯但唔高既眉山，近乎一字眉咁。襯落埋夏萍式trademark上揚眼線度，唔單止可以強調五官立體感，仲可以特顯女性溫柔既感覺添。

另一個例子呢，就係性感尤物瑪麗蓮夢露既眉嘞。極feminine既妝容、髮型再襯埋呢相對粗得嚟又「戚」同尖尾既眉，係唔係好性感誘人呢？ 畫既時候要注意眉山要起角噃！

六十年代既「眉型潮流」因為英國模特兒Twiggy既走紅而起左翻天覆地既改變。「Twiggy眉」既畫法係眉頭偏低眉山高，眉峰稍向後移，咁樣就會似晒架喇。另外眉色、粗幼度都要輕手過五十年代喎，眉尾尖尖幼幼就岩嘞。


可能之前果幾十年玩得激得濟啦，到左七十年代大家都想回歸自然。當時係女仔都想模仿花拉科茜（左圖 / Farrah Fawcett）既sunkissed look架！做法可以講係完全冇技巧下言～用眉筆或者眉粉輕輕響眉上面順住士掃下就得。無明顯既眉山同眉尾，畫完好似岩岩瞓醒咁就perfect嘞。

講完年代眉後,唔少得介紹d工具比大家. 今次講眉gel,我首選係日本品牌,顏色更適合亞洲人. Lunasol & Coffret d'or就係我嘅心水品牌,當然有d平平哋嘅如Kate & Fasio都ok ga.

點樣去揀顏色呢?? 大家記住唔好揀d顏色太深ge,會整條眉好實ga,小虎眉就唔好la.  揀d可以match到頭髮顏色,盡量揀淺色d,揀落去就啱啱好ga la.

搽嘅方法好簡單,只要o係眉毛上面掃吓掃吓就ok,要輕輕力,由眉底掃向面,順番眉毛生長亡方向. 記住唔好搽到眉毛底d肉呀,d色會好實好難抹走ga,小心小心!!

有d眉gel會有閃嘅效果,視乎大家鍾唔鍾意嘞,個人鍾意有少少閃嘅. 因為望出嘅感覺自然d,唔會太實.