20-40年代眉型&眉粉

大部份人都應該認同,

唔化妝都要畫眉,

畫完眉後嗰人即刻精神晒.

眉對於整個人嘅儀容好緊要,

每個年代都會流行不同嘅眉型,

而每種眉型都能帶出不同嘅風格.

首先大家睇睇唔同年化嘅眉型.

1920年代嘅眉型,比較幼同長,眉色比較實,整個感覺比較女性化&溫柔,亦有楚楚可憐嘅感覺.

將年代化妝加入我嘅化妝原素裡面,自己好鍾意20年代嘅妝容,所以我嘅作品都見到好多20年代化妝特色.

到40年代嘅眉型,感覺較soft自然,好重女人味,望出嚟好高貴,眉色亦比20年代顏色為淡.

眉型緊要外,用嘅products都好重要呀!! 今次介紹d好好用嘅眉粉比大家先...上堂用嘅眉粉大多係日本品牌. 因為可以match返亞洲人嘅眉色,顏色最好揀近似頭髮顏色嘅,不過近年比較流行啡色嘅眉色.

第一盒係Kanebo Coffret D'or.

呢盒啡黃色眉粉,match返啡金色頭髮,有深淺兩色,眉頭用淺色,眉尾用深色,畫出嚟整條眉更加有立體感.

第二盒係Sofina Aube.

呢盒有3隻顏色,一睇就知點用,成條眉型對晒比你照住畫wor,無理由唔識掛??

共有兩盒,分別係啡黃同啡紅兩色.

好貼身嘅設計,兩枝短掃變成一枝長,好方便. 大頭掃for眉頭至有中,畫出嚟比較soft. 細頭for眉山至眉尾,可以鈎畫sharp d眉型.

仲有一盒Lunasol.

顏色同Coffret D'or嗰盒差不多,一樣咁易用. 眉粉畫出嚟比較自然&易handle,不過如果眉毛比較少同散嘅話最好用筆比la,下次再介紹. Bye bye!!