我的作品 12

想成為化妝師嘅你,

想成為邊類型化妝師呢??

artist化妝師?新娘化妝師??

而我呢??

就想成為全能嘅mua嘞...

想化多d唔同嘅妝挑戰吓&唔想局限自己,

最大嘅夢想就係....

人哋聽到你個名時會講: 佢化妝好靚ga wor......

而唔係佢係邊個嘅化妝師.

要做個有實力嘅化妝師,

唔係化得靚1個妝就ok,

例如: 淨係識化大眼妝嘅,

個客突然間叫你化其他妝又識唔識化呢?

之後唔興大眼妝又點呢?

發現香港新一代嘅mua都有呢個情況出現,

sponsor過artist化過1、2妝同佢哋影過吓相就係星級化妝師...

其實真正嘅星級化妝師又點會咁做吖,

至少身邊真正嘅星級mua唔會咁.

所以大家要好好努力裝備自己做一個有實力嘅星級mua,

努力!努力!

很喜歡以上2個作品,好多時做job都係臨時發揮(啫係無reference比你呀!) 上圖嘅花有d係印上嘅tatoo,有d係自己畫,你哋分辯到嗎?

自從開咗化妝學校後,

成日比有志成為mua嘅人問一d奇怪問題,

例如: 1)我想學完個basic course就接freelance做...

啱啱先學完,咁快想接job,我話得你都唔信la....

2)我學化妝係想揾食...

有邊個唔係呢?? 但係唔係要裝備好自己先緊要d呢....

3)點解有d學生可以成日跟到你出去做嘢而我無呢?

唉....成日上堂遲到早退又唔專心上堂嘅又點可以帶你出去做嘢呀!!

其實要人哋要比機會你,都要做好自己先得ga ma.....

想當年自己出道都好辛酸呀!!

我都經歷過而家初出度mua嘅情況,

無而家學生咁幸福有人帶出去outjob見識吓,

又有job介紹,

自己亂打亂撞.

頭2年係屋企等運到無收入,

$800 1個月, $1200 1個月又試過,

我o係嗰2年好努力練妝,睇多d人哋作品,

研究吓點化.....

當時雖然前路茫茫,

自己成日諗"如果化得靚就唔怕無人揾la"

"無人揾又或者人哋唔再揾你做job肯定自己表現得唔好,

要自己檢討吓"

所以每次出job我都會睇多d reference.

早前替Bazaar化嘅fashion feature,去咗南生圍,超熱...

已成為我的好友,國內model lina,好professional.

今次妝同頭都好誇張,d假髮超重.

希望大家能夠成為有實力嘅化妝師,加油!!